التخطي إلى المحتوى

عاجل 15 طريقة هتساعدك توصلي للسلام الداخلي

حاليا كلنا بنعيش ضغوطات نفسية وقلق وتوتر من مشاكل الحياة عموما ، وفي وسط كل ده هتدخلي في صراع حقيقي عشان توصلي للسلام الداخلي ، احنا دايما بنكون في حالة انتظار وترقب للي هيحصل بعد كده في حياتنا ، وده ممكن يكون واحد من الاسباب اللي بتعطل هدوءنا الداخلي ، والنهاردة من خلال المقال بتاعنا ، هنشارك معاكم طرق لتحقيق السلام الداخلي ب 15 اسلوب مجرب.

ايه هو السلام الداخلي؟

السلام الداخلي هو حالة الهدوء اللي بتحسي بيها جوه نفسك ، ممكن يكون العالم حواليكي فوضى وبيسبب توتر ، ولكن لو انتي حاسه بالهدوء ، في الحالة دي انتي عندك سلام داخلي ، وهي تعتبر حالة ذهنية تقدري توصلي لها ليها علاقة بعقلك اكتر من اللي بيحصل في حياتك اليومية.

طرق لتحقيق السلام الداخلي:

عشان تحققي السلام الداخلي ، اول خطوة انك تكوني مهيأة نفسك بشكل جيد ، لانك لو شاكه انك ممكن تحققي ده او مش مؤمنة بالفكرة ، ده هيمنعك من الوصول لحالة ذهنية هادية.

محتاج انك تكوني متفتحة وقابلة الفكر قبل ما يكون عندك سلام داخلي ، تعالوا نشوف ال 15 طريقة للوصول للسلام الداخلي.

1- التأمل:

في البداية ، اول حاجة عندنا التأمل ، احنا تقريبا في يومنا بنفكر في كل حاجة ، سواء مستقبلنا, شغلنا, دراستنا, او حتى ابسط الحاجات زي هناكل ايه ، وده السبب في ان التأمل واحد من افضل الحاجات اللي ممكن نعملها لنفسنا عشان نحقق بعض الاحساس بالسلام  في حياتنا ، التأمل بيديكي استراحة بعيد عن زحمة افكارك.

عشان تبدأي تمارسي التأمل ، لو انتي لسه جديدة حاولي تطلعي دروس تأمل وتشوفي فيديوهات وتقري عنه وتعرفيه كويس ، بمجرد ما تعرفي ازاي تمارسي التأمل يوميا ، تقدري تبدأي انك توصلي لبعض السلام الداخلي.

طرق لتحقيق السلام الداخلي

ممكن تشوفوا الفيديو ده عبارة عن 10 دقايق تأمل:

2- التخلص من سموم السوشيال ميديا:

واحدة من الاسباب اللي بتعطل السلام الداخلي هي وسائل التواصل  الاجتماعي ، السوشيال ميديا من اكتر المنصات اللي هتوصلي فيها لحالة من المقارنة مع الغير ، لانها بقت حاليا بقت عبارة عن مسابقة لاهم احداث حياتنا ، ولكن اللي انتي مفكرتيش فيه ، هو انه مافيش حد بينشر اللحظات العادية ، فاللي دايما ظاهر قدامك هي الحاجات المميزة والمبهرة ، وده ممكن يوصلك لحالة من القلق انك مش عايشة افضل حياة ، لما تشوفي اصحابك واللي حواليكي بينشروا رحلاتهم, علاقاتهم, نجاحاتهم ، انتي هتبدأي تقارني حياتك بحياتهم وتشوفي انك اقل منهم ، ولو مكنتيش حريصة بما فيه الكفاية ، ممكن ان السوشيال ميديا تعطل سلامك الداخلي.

والحالة دي هي اللي بيجي فيها مفهوم FOMO او “الخوف من الضياع” ، السوشيال ميديا ممكن تسببلك حالة من الخوف انك مش هتقدري تعيشي افضل حياة ، ومقارنة نفسك بحياة ومنشورات اصحابك هتزعج سلامك الداخلي ، اكيد انتي مش مضطرة بالضرورة للتخلص من سموم السوشيال ميديا انك تبعدي بالكامل لمدة اسبوع او شهر ، ولكن مع ذلك ، الافضل انك تاخدي استراحة من وقت للتاني من كل وسائل التواصل الاجتماعي الخاصة بيكي ، ده هيساعدك على التحكم في الواقع وراحة البال ، السوشيال ميديا ممكن تبقى واجهة ، ممكن تفشلي فيها في التمييز بين ما هو حقيقي ومزيف.

3- ممارسة حب الذات:

بشكل عام ، العالم هيبقى اكتر سلام لو بتحبي نفسك ، واحدة من الجوانب اللي بتعطل سلامنا الداخلي هي الحرب المستمرة اللي بنخوضها داخل نفسنا ، ومن خلال حب الذات ، هتقدري تدمجي السلام الداخلي في حياتك ، تقدري تعملي ده عن طريق ممارسة حاجات تخليكي مبسوطة وترفع معنوياتك ، مثلا لو بتحبي تقري او ترسمي ، تقدري تعملي الانشطة دي في وقت فراغك.

تقدري كمان تمارسي حب الذات من خلال الاعتناء بنفسك وجسمك ، الرياضة من اكتر الحاجات اللي ممكن تعمليها وتساعدك على ده ، لانها مش بس بتفرز الاندروفين في جسمك ، ولكن كمان بتخليكي تحسي بالرضا عن نفسك ، وده هيأدي للاحساس بالسلام الداخلي ، انك تعملي حاجة بتحبيها او متحمسة لها ده في النهاية افضل طريقة لاكتساب السلام الداخلي ، لو بتعتني بنفسك وبتستثمري في نفسك بشكل صح ، هيكون عندك مساحة اكبر للسلام الداخلي في حياتك.

4- خليكي لطيفة:

تقدري تلاقي الهدوء الداخلي لما تبقي لطيفة مع اللي حواليكي ، هل جربتي تعملي حاجة كويسة او تساعدي حد؟ تقدري انك تحسي بالسلام الداخلي من خلال انك تقومي بعمل خير للناس ، لما هتعملي الخير هيرجعلك ، كل حاجة في حياتك هتتحسن ، لو بتمري بوقت صعب ، فكري انك تعملي عمل خير كأساس يومي ، هتلاقي نفسك وصلتي للسلام الداخلي بسرعة ، لان عقلك بيركز على قد ايه انتي شخصية كويسة وطيبة لدرجة انه بطل يلاحظ الدراما في حياتك ، قضي وقت مع الاشخاص الاقل حظ منك لانهم في الغالب هيحتاجوا مساعدتك ، هتحسي بسلام داخلي اكتر لما تساعدي غيرك لان ده هيساعدك انتي كمان.

5- ابعدي عن السلبية:

ده يعتبر ابسط حاجة ولكن ممكن يبقى اصعب حاجة تعمليها للحصول على السلام الداخلي في حياتك ، مافيش حد بيبقى عايز حاجات سلبية في حياته ، ولكن في بعض الاحيان بنركز على السلبية اكتر من الايجابية ، واختيار التفكير في السلبية في حياتك ، سواء ده كان في شكل افكارك او عاداتك ، هيعطل سلامك ، السلبية تعتبر هي اسرع طريقة لتدمير السلام الداخلي.

على سبيل المثال ، لما تحصل حاجة عكس اللي انتي متوقعاها ، الحاجة الطبيعية اكترانك هتعيشي على سلبية الموقف بدل ما تدوري على الجانب المشرق لاي حاجة ، عشان كده بدل ما تدوري على العيوب وتيأسي في اي موقف ، اختاري انك تكوني اكتر ايجابية ، دي افضل طريقة ترجعي بيها احساسك بالسلام الداخلي ، اتعلمي انك تبطلي تشتكي وابعدي عن السلبية.

6- عيشي في الحاضر:

تقدري تلاقي السلام الداخلي من خلال التواجد في الوقت الحاضر ، معظم الناس بيعيشوا في الماضي مع الاحداث اللي فاتت اللي بتدور في عقلهم من غير توقف او الخوف من اللي هيحصل في المستقبل ، تقدري تمارسي التأمل عشان يساعدك في التركيز على الحاضر بدل ما تقكري في اي وقت تاني ، الحياة اليومية مش المفروض تكون معقدة ، لو الحياة حواليكي مرهقة ، ركزي على الحاضر بتركيز شديد.

وخدي لحظات من وقتك وشوفي فيديو التأمل ده.

7- اتجنبي الشفقة على نفسك:

بطريقة ما ، ده مرتبط بالسلبية اللي اتكلمنا عنها فوق ، احنا كبشر ، عندنا ميل كبير اننا نروح لروتين الشفقة على الذات لما الامور ماتمشيش زي ما احنا عايزين ، لو ما وصلناش للوظيفة اللي احنا عايزينها او انفصلنا في علاقة عاطفية ، بندمج مشاعر عدم القيمة, الذنب, والندم جوانا ، وبسبب ده بنفقد سلامنا الداخلي تماما ، ممكن ده يكون طبيعي في البشر ولكن هي عادة مش صحية تماما ، الشفقة على نفسك واحدة من اسرع الطرق اللي مش بس هتفقد سلامك الداخلي ، لكن كمان هتخليكي تحسي بمشاعر الاكتئاب والقلق.

الحياة بشكل عام صعبة ، والشفقة على نفسك مش هتغير حقيقة ان احيانا الحياة بتكون مؤلمة وصعبة ، الحاجة الوحيدة اللي بتعملها الشفقة على نفسك هتخليكي تحسي بانك اسوأ من الاول ، وهترمي اللوم على غيرك ، عشان ترجعي سلامك الداخلي ، فكري في الموقف بشكل صح بدل ما تشفقي على نفسك ، بدل ما تقولي لنفسك “انا ماليش قيمة” اتحملي المسؤولية وقولي لنفسك ” ممكن اكون غلطت ، لكن ممكن اعمل افضل المرة الجايه” من خلال ممارسة العادة دي ، هتقدري ترجعي سيطرتك ، وتبني ثقة اكتر في نفسك ، دايما واحنا بنقرر نعمل اي حاجة في حياتنا ، مش بتبقى مدركين ان حياتنا وبما فيهم سلامنا تحت سيطرتنا ، ومش ممكن اننا هنوصل للسلام الداخلي لو ما اخدتيش موقف صح واتحملي المسؤولية في حياتك الاول.

8- اضحكي كتير:

ما تتوقعيش السلام من مكان انتي واخداه على محمل الجد اوي ، الحياة ممكن تكون صعبة بما فيه الكفاية ، وفي النهاية ، افضل حاجة تعمليها لنفسك هو انك تلاقي الجمال في حياتك ، مافيش مشكلة انك تضحكي حتى على اسخف الحاجات ، ثبت ان الضحك هو افضل دوا يساعدك انك تكملي الحياة ، اتصلي باصحابك ورتبي خروجة ، اتفرجي على فيلم كوميدي ، استمتعي بسهرة مع اصحابك ، دوري على الضحك والفكاهة حتي في اكتر الحاجات العادية ، غالبا بيتم اكتساب السلام الداخلي من مكان انتي مش متوقعاه ابدا ، وفي بعض الاحيان بيكون ده من مكان الفكاهة والضحك.

9- التواصل باحترام:

ممكن انك تلاقي السلام الداخلي لما تتواصلي باحترام مع الاخرين ، لما تميلي انك تتكلمي بحزم ولكن بايجابية في نفس الوقت ، عشان ميبقاش في مجال لسوء الفهم ، صحتك العقلية تستحق انك تحافظي عليها ، عشان كده حافظي على هدوئك في مناقشاتك ، حسني غلطاتك السابقة في سوء الفهم في المواقف المستقبلية ، ما تسمحيش للناس تقلل من قيمتك ودافعي عن نفسك ، ولكن مع ذلك ، اتخلصي من اللهجة الجارحة والمسيئة في حياتك.

10- شتتي نفسك:

ممكن يكون من غير الصحي استخدام وسائل الالهاء لنسيان مشاعرك ، ولكن مع ذلك في بعض الحالات ، ممكن عوامل التشتيت تبقى مناسبة ليكي وبالفعل تساعدك على التحكم في مشاعرك ، ممكن لو قلقانة او بتفكري في حاجة الهي نفسك بلعبة فيديو او ممارسة الرياضة او الفرجة على فيلم عشان تساعدك على استعادة الشعور بالسيطرة ، لان عواطفنا ممكن تتحكم فينا لو مكناش حذرين بما فيه الكفاية ، وسائل الالهاء ممكن تساعدك على التفكير الصح وترتيب عقلك مرة تانية ، يعني وسائل التشتيت هي مش مهرب او وسيلة هروب من مشاعرك ، ولكن هي منفذ لمعالجة مشاعرك بشكل افضل.

بالاضافة ان معالجة افكارك وعواطفك بشكل صحيح ، هيساعدك على استعادة سلامك الداخلي ، وعوامل التشتيت زي العاب تخفيف القلق هتساعدك كمان على التركيز والتفكير بشكل مباشر مقارنة باستخدام عواطفك في اتخاذ قرارت فردية ، ولانك بتبقي مرهقة ، لو حاولتي تعملي اي حاجة في الوقت ده  ، ممكن يبقى كارثي.

11- ممارسة الرعاية الذاتية:

لما تدي الاولوية للرعاية الذاتية ، انتي بكده هتحسني صحتك العقلية وحياتك ، ممكن تلاقي السلام الداخلي لما تعملي انشطة معينة زي انك تقضي وقت مع الاشخاص الايجابيين اللي دايما بيرفعوا معنوياتك, اتكلمي بلطف مع نفسك, ممارسة التعاطف مع الذات ، الهدوء الداخلي بيجي لما بتتدربي على قبول نفسك ، انتي تستحقي انك تستمعي بالحياة وتتمتعي بعقل هادي ، كل اللي عليكي تعمليه انك تعاملي نفسك بشكل افضل ، اتحكمي في المشاعر الصعبة من خلال ممارسة التأمل واعادة صياغة الافكار السلبية لافكار ايجابية, وممارسة التعاطف مع الذات ، الوصول للسلام الداخلي بيبدأ من الرعاية الذاتية.

12- عبري عن نفسك من خلال الفن:

الوصول للسلام ممكن يبقى تحدي ، ولكن انتي تقدري توصلي للسلام الداخلي عن طريق الفن ، سواء كان رسم, موسيقى ، تقدري تحسني صحتك العقلية بالفن ، الفن بكل انواعه هيحسن صحتك ، في العالم الحديث اللي احنا عايشين فيه يمكن في كتير من الناس بيستهلكوا الفن من غير تفكير ، زي الموسيقى, ومنشورات السوشيال ميديا ، وغيره.

بدل كده ، خليكي واعية ومتذوقة وخالقة للفن ، انتبهي للتفاصيل الصغيرة ، استمتعي بوقتك في الفن ، غالبا الاشخاص اللي بيستمتعوا بالفن مش بيلاحظوا قلقهم اوالمهم لانهم بيوجهوه لفنهم وبيتحول لشيء جميل في النهاية.

13- ماتضغطيش على نفسك:

الشعور بالارهاق والاستنزاف هي حاجات حقيقية هتحسي بيها لو في نقص في التوازن في حياتك ، واي شخص دايما بيحاول يحقق التوازن بين الشغل والحياة الشخصية ، وده ممكن جدا يتحقق لكن مش دايما بتقدري تعملي ده ، في بعض الايام ممكن تحطي طاقة كبيرة في شغلك ، وفي ايام تانية تحسي انك مش متحمسة ومعندكيش طاقة تعملي اي حاجة ، وعشان تحققي التوزان في كل حاجة ، لازم تهوني الامور على نفسك ، خصوصا لو بتحبي توصلي للكمال في كل حاجة وبتحبي تتحكمي في كل  حاجة ، في الحالة دي هتميلي انك تضغطي على نفسك عشان تجمعي كل جوانب حياتك مع بعض ، وفي الوقت ده هتفقدي احساسك بالسلام الداخلي.

لو عايزة توصلي للسلام الداخلي في النهاية ، لازم تعرفي انك انسان ، وفيكي عيوب زي اي شخص تاني ، ماتستهلكيش كل طاقتك في شغلك لو معناه انك هتبقي قاسية على نفسك ، ولو فشلتي في اي حاجة ده مش بيقلل من قيمة نفسك ، خدي استراحة واعملي توازن صحي بين كل جوانب حياتك ، واتعاملي مع احباطك بطريقة صح.

14- الاستمتاع بالطبيعة:

تقدري تحسني صحتك العقلية بشكل فوري وتلاقي السلام الداخلي في الطبيعة ، في حياتك اليومية روحي اتمشي في مكان فيه طبيعة حلوة وخضرة, او على البحر ، الطريقة دي هتحسن صحتك العامة من خلال كمان عمل انشطة زي الزراعة, المشي لمسافات طويلة, الجري, تسلق الجبال, ركوب العجل ، الحصول على هوا نقي والتعرض لاشعة الشمس ممكن تبقى تجربة مفيدة ، والتأمل كمان اثناء المشي هيفيدك اكتر ، وهيبقى عندك افكار ايجابية وتوتر اقل لو ركزتي بس على الطبيعة حواليكي وتتعجبي ببساطة من جمال الطبيعة والحياة ، تقضية الوقت في الهواء الطلق دايما بيكون طريقة سريعة وسهلة لتحقيق السلام الداخلي.

15- اقبلي كل حاجة زي ما هي عليها:

غلطات الماضي هي مش انعكاس ليكي ولكن لماضيكي ، لو عايزة توصلي للسلام الداخلي جوه نفسك ، التسامح هيبقى نقطة بداية جيدة ، في العالم الحديث  ، الناس مش بيتسامحوا كتير ، كتير من الاشخاص ممكن يحرجوا غيرهم على السوشيال ميديا لانهم مروا بيوم سيء ، او عملوا غلطات ، فبيفرغوا الطاقة السلبية دي في اللي حواليهم وبيستمروا في اذية الناس ، ولكن التعامل بعقلية الضحية مش هيخدمك ، لازم ترتقي وتبقي مدركة ان عادي الناس ممكن يعملوا غلطات في الحياة ، لازم تكوني شخص مرن تقدري تتغلبي على الفوضى اللي موجودة حواليكي ، وكل اللي انتي تقدري تعمليه انك تتحكمي في افعالك ، واي حاجة تانية مش هتقدري تغيريها هتبقي محتاجة انك تتعلمي تقبليها زي ما هي.

في النهاية ممكن يكون الوصول للسلام الداخلي صعب ، خصوصا لو ده مش امر طبيعي بالنسبة لك ، في عالم فيه ضغوطات كتير ومافيش حد بقى عنده وقت لنفسه ، ولكن مع ذلك ، الوصول للسلام الداخلي ممكن ومش مستحيل ، لو اخترتي يكون عندك وعي لتغيير جوانب معينة  من عاداتك غير الصحية واسلوب حياتك ، ساعتها هيكون عندك مساحة اكبر للسلام الداخلي في حياتك.

دليل العناية الذاتية الكامل.. ازاي تاخدي بالك من نفسك؟ 

دليل العناية الذاتية الكامل.. ازاي تاخدي بالك من نفسك؟

عرضنا لكم زوارنا الكرام أهم التفاصيل عن خبر 15 طريقة هتساعدك توصلي للسلام الداخلي على دوت الخليج فى هذا المقال ونتمى ان نكون قدمنا لكم كافة التفاصيل بشكل واضح وبمزيد من المصداقية والشفافية واذا اردتكم متابعة المزيد من اخبارنا يمكنكم الاشتراك معنا مجانا عن طريق نظام التنبيهات الخاص بنا على متصفحكم او عبر الانضمام الى القائمة البريدية ونحن نتشوف بامدادكم بكل ما هو جديد.

كما وجب علينا بان نذكر لكم بأن هذا المحتوى منشور بالفعل على موقع بنات حوا وربما قد قام فريق التحرير في دوت الخليج بالتاكد منه او التعديل علية اوالاقتباس منه او قد يكون تم نقله بالكامل ويمكنك قراءة ومتابعة مستجدادت هذا الخبر من مصدره الاساسي.

التعليقات

اترك تعليقاً

لن يتم نشر عنوان بريدك الإلكتروني.