التخطي إلى المحتوى

عاجل اكتشفي ايه اللي بيقوله شهر ميلادك عن حياتك العاطفية

صفات كل برج بيكون فيها بالفعل جزء من الحقيقة ، وبتساعدنا نفهم الشخص اللي قدامنا اللي حد ما ونعرف نتعامل معاه على حسب صفات برجه ، وسمات الشخصية المبنية على وقت ولادتك بتكون في الغالب دقيقة تماما ، والنهاردة من خلال موضوعنا هنقولك عن حياتك العاطفية من شهر ميلادك ، واهم صفاتك كحبيبة.

حياتك العاطفية من شهر ميلادك:

1- شهر يناير:

لو مولودة في اول شهر من السنة ، فانتي بتتمتعي بشخصية جذابة جدا والناس بينجذبوا ليكي ، وهيكون عندك دايما الشريك اللي انتي تختاريه ، انتي شخصية رومانسية جدا ، ولما بتلاقي الشخص المناسب بتتمسكي بيه جدا ، وبتكون دايما اهم اولوياتك انك تخلي شريكك سعيد ، عندك كمان موهبة انك بتقدري تحفظي السلام في البيت وتخليه هادي ومريح ، يعني باختصار انتي المحب المثالي.

حياتك العاطفية من شهر ميلادك

2- شهر فبراير:

انتي مولودة في شهر عيد الحب ، وهدفك الوحيد في الحياة انك تلاقي الحب ، العلاقات هي دايما اولوية قصوى بالنسبة لك ، ولكن انتي محتاجة انك تشتغلي شوية على استقلالك لانك في كتير من الاوقات بترتبطي بشدة بالشخص اللي معاكي ، وشهر ميلادك بيديكي هدية في صفاتك وهي الجاذبية ، وده بيخلي الاشخاص ينجذبوا ناحيتك ، اتأكدي انك تختاري شريكك بحكمة ، والا ممكن تتعرضي للاذى.

3- شهر مارس:

انتي مولودة في نص الربيع ، بتتمتعي بشعبية كبيرة جدا ، ولكن بتلاقي صعوبة انك تحافظي على العلاقات ، في كتير حواليكي وده بيشتت انتباهك ، وبيخلي من الصعب عليكي تركزي على شخص واحد بس ، بتختاري الشخص بسرعة ومن غير تفكير كفاية ، ولكن في نفس الوقت بتخرجي من علاقة الحب بسرعة ، مواليد شهر مارس محتاجين انهم ياخدواو قرار الاستمرار في علاقة لفترة طويلة ، ولكن افتكري بس انك تركزي وماتتسرعيش.

4- شهر ابريل:

انتي صاحبة شخصية متسلطة وعنيدة ، وده ممكن يسبب بشكل كبير لابعاد الحبيب المحتمل انك تقابليه ، ولكن انتي شخصية جذابة جدا ، وبتجذبي اللي حواليكي ، ولكن اللي انتي محتاجاه فعلا انك تتحكمي في عواطفك ، بس الميزة انك لما بتكوني في حالة حب بتغرقي شريكك مودة وحب.

5- شهر مايو:

انتي من اشد المؤمنين بمؤسسة الجواز ، وبالتالي انتي مخلصة وبتهتمي بالشخص اللي بتحبيه جدا ، في البداية بتدوري على شريك فعلا يكون عايز علاقة جدية وطويلة ، بتغرقي حبيبك بالعاطفة ، واولويتك القصوى انك تخليه سعيد ، وانتي عشان شخصية اجتماعية جدا عندك دايما اختيارات متاحة قدامك تختاري منها الشخص المناسب.

6- شهر يونيو:

لو مولودة في شهر يونيو ، فانتي رومانسية بشكل كبير ، ولكن في نفس الوقت غيورة جدا ، وعشان تحافظي على علاقة سعيدة لازم تتحكمي في الغيرة ، ومحتاجة كمان انك تتعلمي التخلي عن التجارب المؤلمة اللي مريتي بيها في الماضي ، والا الامر هينتهي بالتأثير على مستقبلك ، انتي قلبك طيب جدا وبتسعي دايما انك تغرقي حبيبك بالحب والعاطفة ، انتي عاشقة عظيمة.

7- شهر يوليو:

مافيش شك انك بتحبي شريكك وبتهتمي بيه ، ولكن الجنب السلبي انك صعب عليكي التعبير عن حبك على اكمل وجه ، ولكن من جواكي بتبقى مستعدة تعملي اي حاجة لشريكك ، ولكن بما انك بشكل عام بتعرفي تكوني سعيدة وانتي لوحدك ، فانتي محتاجة تعملي جهد مضاعف للحفاظ على شريك احلامك.

8- شهر اغسطس:

انتي بتاخدي فكرة الجواز بشكل جدي ، وبالتالي انتي مش بتشجعي العلاقات غير الرسمية ، وزي الاشخاص المولودين في شهر يونيو انتي غيورة جدا ، ولكن بتعرفي توازني ده مع احساسك وحبك لحبيبك ، بتبصي دايما على الايجابيات في حبيبك ، وبتتغاضي عن السلبيات ، ودي ميزة هايلة جدا فيكي ، بتخليكي مرغوبة جدا.

9- شهر سبتمبر:

انتش شخصية ودودة بطعبك ، ومش صعب عليكي تلاقي الشريك المثالي ، ولكن بمجرد ما بتلتزمي في علاقة مع شخص ، بتميلي للانغلاق على نفسك ، انتي شخصية شديدة السرية مش بتحبي تحكي ، وده بيخلي حبيبك ميعرفش يقرب منك بشكل كافي ، ولكن بمجرد ما تتغلبي على الصفة دي بشكل عام ، بتكوني شخصية حساسة ومهتمة بشريكك ، عشان كده نصيحتنا ليكي انك تبقي منفتحة اكتر.

10- شهر اكتوبر:

انتي عاشقة مخلصة جدا ، ولكن ممكن تكوني من النوع الغيور ، ولازم تكوني متأكدة من اختيارك وعلاقتك ، والا مش هتكوني سعيدة ابدا في الحب ، عندك ميل للتعرض للاذى بسهولة ، عشان كده لازم تبقي حكيمة في اختيار شريكك ، انتي شخصية جميلة ، وده بيخليكي جذابة جدا.

11- شهر نوفمبر:

انتي شخصية انطوائية ، بتحبي تبقي وحيدة وتعملي كل حاجة بنفسك ، انتي كمان عاطفية جدا ، والناس بيلاقوا صعوبة في فهم حالتك المزاجية لانها بتتغير باستمرار ، عشان كده لازم تتحكمي في الحاجات دي لو عايزة تلاقي الحب ، عشان تسهلي الامور على نفسك ، دوري على شخص يفهم احتياجك للمساحة الشخصية ويديهالك.

12- شهر ديسمبر:

مواليد شهر ديسمبر الناس بينجذبوا ليهم بشكل طبيعي ، ولما الموضوع بيتعلق بالحب انتوا محظوظين جدا ، لما بتدخلي في علاقة ، بتكوني مثال للولاء والاخلاص والصدق ، ولكن لازم تتأكدي انك تخلي شريكك يفهم ان عندك دايرة اصدقاء ، عشان مايحسش بالغيرة.

شاركينا وقولي لنا يا ترى الصفات بتنطبق فعلا على شهر ميلادك ولا لا؟

ازاي تخلي الاكس بتاعك يشتاقلك ويرجعلك ويلتزم بالعلاقة

عرضنا لكم زوارنا الكرام أهم التفاصيل عن خبر اكتشفي ايه اللي بيقوله شهر ميلادك عن حياتك العاطفية على دوت الخليج فى هذا المقال ونتمى ان نكون قدمنا لكم كافة التفاصيل بشكل واضح وبمزيد من المصداقية والشفافية واذا اردتكم متابعة المزيد من اخبارنا يمكنكم الاشتراك معنا مجانا عن طريق نظام التنبيهات الخاص بنا على متصفحكم او عبر الانضمام الى القائمة البريدية ونحن نتشوف بامدادكم بكل ما هو جديد.

كما وجب علينا بان نذكر لكم بأن هذا المحتوى منشور بالفعل على موقع بنات حوا وربما قد قام فريق التحرير في دوت الخليج بالتاكد منه او التعديل علية اوالاقتباس منه او قد يكون تم نقله بالكامل ويمكنك قراءة ومتابعة مستجدادت هذا الخبر من مصدره الاساسي.

التعليقات

اترك تعليقاً

لن يتم نشر عنوان بريدك الإلكتروني.